認識泰拿小店
泰拿小店 – 原名 TYLER PRESENT (EST. 2014 始於香港) 經營高級廚具及高級食材
雖然泰拿只係業界中嘅一粒微塵! 唔會好多人識，但泰拿小店以優質嘅貨品同誠懇嘅服務態度見稱，所以時至今日由香港幫襯到英國嘅兄弟姊妹大有人在。

初心
香港人離鄉別井，千里迢迢嚟到英國，由零開始，真係一啲都唔容易。而搞泰拿小店嘅原意就係希望大家可以用更加合理嘅價錢買到屬於香港嘅味道，喺幫大家慳錢嘅同時，亦希望能夠向各位同路人送上少少嘅心意，讓大家喺異鄉都能夠感受到香港嘅親切同溫暖。每次見到大家露出滿足嘅笑容，對泰拿嚟講，係一種鼓勵同肯定。亦都係泰拿繼續努力嘅最大動力。

心聲
泰拿小店於2023年喺英國成立，最初只係得泰拿一個人同一個小倉庫，冇後台冇金主，所有嘢都係泰拿自己一腳踢，可能因為咁，經常被人潑冷水同睇小。跌跌碰碰，泰拿並冇氣餒，全靠大家嘅支持同鼓勵，用汗水同無數個通頂行到今日，泰拿小店已經唔再係One Man Band，而係一個充滿熱血嘅團隊，憑住一個信念同香港人打不死嘅精神，決心成為一間屬於香港人嘅網上超市。為每一個喺英國嘅香港人提供最好嘅貨品同服務！泰拿小店唔單止係一間純粹做生意嘅公司，有機會嘅話泰拿希望能夠為各位同路人出一分力，分享快樂同艱難。

再次多謝大家嘅支持！喺未來嘅日子，泰拿會一直守護住呢份初心，為大家帶嚟更多香港嘅味道。香港人加油 !!